خواجه باقي بالله: مشهور بزرگ ۽ عالم خواجه باقي باالله جو مڪمل نالو سيد رضي الدين احمد عبدالباقي هو ۽ سندس والد جو نالو قاضي سيد عبدالسلام هو. خواجه باقي باالله 971هه مطابق 1564ع ڌاري ڄائو. سمرقند ۾ فقھ، حديث، تفسير ۽ ٻين ديني علمن جي تحصيل ڪيائين. خواجه محمد امڪنگيءَ جو مريد ۽ خليفو هو. خواجه محمد جي مزار امڪنگ (ترڪستان) ۾ آهي ۽ نقشبندي سلسلي جو مشهور بزرگ هو. خواجه باقي باالله ترڪستان ۽ لاهور کان ٿيندو دهليءَ پهتو ۽ درس تدريس ۾ مشغول رهيو، هو ٿورو ڳالهائيندڙ، ٿورو کائيندڙ ۽ ٿوري ننڊ ڪندڙ بزرگ هو. حضرت مجدد الف ثاني شيخ احمد سرهندي، خواجه باقي الله جو خليفو هو ۽ ان کان ئي هند سنڌ ۾ نقشبندي سلسلي جي اشاعت عام ٿي. خواجه باقي باالله 26 جمادي الاول 1012هه مطابق 22 آڪٽوبر 1603ع ۾ وفات ڪئي. سندس مزار دهليءَ ۾ آهي.
1603.10.22 عيسوي
خواجه باقي باالله 26 جمادي الاول 1012هه مطابق 22 آڪٽوبر 1603ع ۾ وفات ڪئي. سندس مزار دهليءَ ۾ آهي.